eldiario.es

9

Berri Txarrak taldeak Adarra Saria irabazi du

Berri Txarrak taldearen "ibilbide artistiko eta profesionala eta euskal nahiz nazioarteko publikoarengan duen eragin izugarria" ospatzeko, Donostiako Udalak Adarra Saria entregatuko dio. Ekainaren 21ean jasoko dute saria Lekunberrikoek, Eneko Goia alkatearen eskutik, Donostiako udaletxean, eta, egun berean, 20.00etan, kontzertua eskainiko dute Victoria Eugenia antzokian.

Donostiako Udalak adierazi duenez, Berri Txarrak taldearen emanaldiek "arrakasta handia izan dute herrialde askotan eta taldeak milaka jarraitzaileei eskaini dizkie kontzertuak bost kontinenteetako agertokietan". Horregaitik, Juan Gonzalez Andres kazetariak, Irene Larraza Etxepare Euskal Institutuko zuzendariak eta Jaione Askasibar Donostia Kultura erakundeko Komunikazio zuzendariak osatutako aholku batzordeak hartu du sari hau taldeari banatzeko erabakia.

Ekainaren 21ean ospatuko den kontzerturako sarrerak salgai egongo dira hurrengo asteartean 11:30etan. Sarreren prezioa 30 eurokoa da eta Victoria Eugenia antzokian, Antzoki Zaharrean eta Donostia Kultura webgunean eskuragai daude.

Seguir leyendo »

New Orleanseko jazz doinuek Araba Euskaraz jaialdiari erritmoa jarriko diote

New Orleanseko Jazz doinuek erritmoa jarriko diote Arabako ikastolek ospatzen duten Araba Eskaraz jaialdiari, helburua euskararen erabilera bultzatzea duena. Aurtengo leloa eta logoa gertutasuna da eta ekainak 16an ospatuko da Gasteizen, Armentia Ikastolaren eskutik.

Jaialdiaren helburua gertu egotea dela azaldu zuen Armentia ikastolaren zuzendariak, Liher Larreak. Logoak mezu berdina transmititzen du; karratu baten barruan dauden bi geziren bitartez irudikatu dute ideia hori.

Koldo Martínez de Lukok eta Adrián Royok osatutako bikote gasteiztarrak joko du jaialdiaren abestia, Gertu izena daramanak. Letra, ordea, Antton Aranburuk sortu zuen, bere alaba ikastolara bizikletaz eraman zuen egun batean. Bideokliparen protagonistak Armentia ikastolako ikasleak dira, eta Gasteizko hainbat leku aukeratu dituzte bideoan agertzeko.

Seguir leyendo »

Gernikak bonbardaketako aterpe antiaereoak eta biktimen lekukotzak erreskatatzen ditu

Gernikako bunkerra barrutik

“Bakarrik nengoen, ume bat izanda. Gernikako bonbardaketa ez dut inoiz ahaztuko, nire bizitzako bizipen gogorrena izan da”. Inmaculadak bederatzi urte zituen gernikar askoren bizitza eraman zituen bonbardaketa gertatu zenean, 1937ko apirilaren 26an. Orain, 82 urte igaro eta gero, Gogora Institutuak eta Gernikako Bakearen Museoak elkarlanean ekoitzi dute lekukotza ugari jasotzen dituen dokumentala, haien artean, Imaculadaren historioa. Gainera, publiko guztiarentzat Talleres de Gernikako aterpe antiaereoa ireki da, herriko auzotarrek leherketengandik babesteko erabili zuten bunkerretako bat.

Dokumentalean, protagonistek leherketengandik bunkerretan zelan babesten ziren kontatzen dute eta 500 pertsona 22 metro luze eta 5 metroko zabalera duen bunker baten ezkutatzea zelan lortu zuten ere. 70reko hamarkadan William Smallwod “Egurtxiki” historialariak jasotako lekukotzak bildu dira, izan ere. Bunker hartan ezkutatu zen biktima batek kontatzen duenez, bertan bero asko zegoen, eta ume baten negarra entzuten zuten. Umearen negarra, guztien beldurra eta zer pasatuko zen ez jatikeak, persona horien egonezina pizten zuen. Film-a ren izenburua 'Bizitako bonbaketa’ da eta' maiatza bukaerararte egongo da Gernikako Bakearen Museoan ikusgai. Bertan, 12 lekukotza berri biltzen dira, bonbardaketa bizi izan zuten gernikar umeenak, izan ere.

“Kontua ez da bakarrik zer gertatu zen azaltzea, baizik eta zer emozio eragin zituen, nola bizi izan zuten pertsonek gertatutakoa. Hori da helburu nagusia”, azaldu du Gogora institutuaren zuzendariak.

Seguir leyendo »

Bernardo Atxaga: "Diru-bilketa bat egiteko prest nago eskumak irabaz ez dezan"

Bernardo Atxaga

Ez da lehen aldia Bernardo Atxaga (Asteasu, 1951) Gutun Zuria jaialdira datorrena. Gutun Zuria, hain zuzen ere, Azkuna Zentroan ospatzen den jaialdia da. Aurten, letren mundua artearekin lotu nahi izan dute antolatzaileek. Atxagaren ustez, apirilaren 28an ospatuko diren hauteskundeei buruz hitz egiterakoan alderdi politiko "batzuek" aipatzeak, hauei ahotsa ematea esan nahi du, horregatik, ez du beraietaz hitz egin nahi. Hala ere, eskuineko alderdiek irabazi ez dezaten itxaropena dauka. 

Zein egoeratan aurkitzen da euskal literatura?

Orain dela 40 urte galdera hau egingo bazenit, hiru idazle t'erdi zeudenez, ba erraza zen kontu hau azaltzea, euren kalitatea garrantzitsuena baitzen. Gaur egun, ordea, ehundaka idazle daude. Orduan, oso zaila da jakitea zelakoa den egoera. Nik pentsatzen dut euskal literaturaren egoera beste herrialde batzuena baino hobeagoa dela, Euskal Herrian hizkuntzarengatik eta historia politikoarengatik artistak eta idazleak asko babesten dira eta. Euskal Herrian euskarazko idazlea izatea, adibidez, Kordoban gaztelaniazko idazlea izatea baino hobeagoa da. 

Seguir leyendo »

Euskal bikoizketaren krisia: desagertzeko zorian dagoen apustu politikoa

Laurogeita hamarreko hamarkadan jaiotako euskaldunak euskarara itzulitako ETBko marrazki bizidunekin hazi direla errealitate bat da. Kontua da, garai hartan, 1.589 ordu euskarara bikoizten zirela urte bakarrean. Gaur egun, ordea, 100 ordu bakarrik. Ezegonkortasunagatik eta lanaren baldintzengatik, Euskadiko bikoizketa aktoreak geldialdi laborala egitea erabaki dute. 

Monika Erdoziak 28 urte daramatza bikoizketa aktore moduan. Kazetaritza ikasi zuen baina laister mikrofonoen munduari buruzko interesa piztu zitzaion. Lehenik, bikoizketa aktorea bihurtu zen. Ondoren, zuzendari. Erdoziak lortu du aktore askoren ametsa egi bihurtzea: gustoko duen lanarekin bizitza on bat edukitzea. Hala ere, bere egoera pertsonala alde batera utzi egin du, sektorearen biziraupenarengatik borrokatzeko.  

"Gure ustez, lanaren baldintzak ez badira hobetzen, bikoizketa aktoreak ezin izango dugu gure profesiotik bizi. Borrokan ari gara agintariek, Eusko Jaurlaritzak, konturatzeko bikoizketa garrantzi handia duela hizkuntzalaritzarako. Bereziki euskararen erabilerarako", azaldu du Erdoziak, Demi Moore edo Scarlett Johanssonen euskarazko ahotsa izandakoa. 

Seguir leyendo »