A batalla de Teruel
Estes días pasaus Teruel ha blincau a os titolars (de traza efimera, tampoco no nos emocionemos) per un feito relacionau con a politica aragonesa. A d'o sur d'Aragón ye a sola circunscripción en toda Espanya an que o Frente Amplio (en este caso encabezau per CHA) no se presenta a las esleccions d'o proximo 29-N.
A decisión de renunciar a participar en esta cita prevocó que se fese remango con as primeras tricoloteras entre os socios d'a coalición. Nomás estió ixo, fer remango, no hemos d'olvidar-nos de que somos charrando de politica y que, alavez, a representación y a narrativa son muitas veces tan importants u mesmo más que o propio conteniu. En tot caso, a decisión ubrió un interesant debat sobre o voto útil, en unas esleccions que se nos han vendiu como excepcionals (puestar que perque en veras en son).
L'asunto ye que as asperanzas de que una lista a la zurda d'o PSOE pueda conseguir representación per Teruel pareix un capítol de ciencia ficción, tenendo en cuenta tanto a conchuntura como a correlación de fuerzas y, especialment, a experiencia historica. Nomás i hai un precedent en que as fuerzas alternativas podión sonyar con conseguir-lo y estió en aviento de 2015, cuan Podemos yera en a fuga d'a suya popularidat. Mesmo asinas, si sumamos toz os votos que replegón as listas d'as zurdas (Podemos, a Unidat Popular que formaban CHA y IU, amás d'atros partius que no gosan arribar a l'uno per ciento), no se plegó nian a o 22% d'os votos emitius, cuan o PSOE superó o 25%.
Manimenos, a diferencia d'atras circunscripcions espanyolas, que nomás han conoixiu o bipartidismo como paradigma, o caso de Teruel ye bien diferent. Existe un precedent claro que permite importants matizacions: cuan Teruel Existe trencó l'escaquero, conseguindo un deputau en 2019, con un 26,8% d'os votos. Encara que esta opción no planta masiau fuerte hue y tot marca que ye de mal repetir ixe exito d'alavez, no i hai garra duda de que cualsiquier cambio en Teruel habría de contar con os suyos refirmes. Encara que tiengan una envista transversal, os suyos votos tamién beben de fuents progresistas. U sía, que cualsiquier prebatina de conseguir crebar o bipartidisimo dende a cucha habría de tener en cuenta a presencia d'o partiu que lidera Guitarte. Si amás, estes ya van refusar de chuntar-sen con os progresistas, pareixeba que l'aventura d'una atra papeleta en os colechios electorals teruelanos l'unico que podría conseguir ye dividir más encara o voto y esmicazar cualsiquier posibilidat d'exito pa la zurda u as opcions territorials (como Teruel Existe). Visto asinas, pareix que a opción de renunciar a presentar-se-ie ye muito más lochica.
Se gosa de decir que a politica ye l'arte d'o posible, pero tamién ye (u habría d'estar) l'arte de saber interpretar a realidat de traza adecuada. Lo contrario ye mera ilusión.
Versión en castellano:
Estos días pasados Teruel ha saltado a los titulares (de forma efímera, tampoco nos emocionemos) por un hecho relacionado con la política aragonesa. La del sur de Aragón es la única circunscripción en toda España donde el Frente Amplio (en este caso encabezado por CHA) no se presenta a las elecciones del próximo 29-N.
La decisión de renunciar a participar en esta cita provocó que se amenazase con las primeras riñas entre los socios de la coalición. Solo fue eso, amenazar, no nos tenemos que olvidar de que estamos hablando de política y que, por consiguiente, la representación y la narrativa son muchas veces tan importantes o incluso más que el propio contenido. En todo caso, la decisión abrió un interesante debate sobre el voto útil, en unas elecciones que se nos han vendido como excepcionales (puede ser que lo sean de verdad).
El asunto es que las esperanzas de que una lista a la izquierda del PSOE pueda conseguir representación por Teruel parece un capítulo de ciencia ficción, teniendo en cuenta tanto la coyuntura como la correlación de fuerzas y, especialmente, la experiencia histórica. Solo hay un precedente en el que las fuerzas alternativas pudieron soñar con conseguirlo y fue en diciembre de 2015, cuando Podemos se encontraba en el apogeo de su popularidad. Incluso así, si sumamos todos los votos que recogieron las listas de las izquierdas (Podemos, la Unidad Popular que formaban CHA e IU, además de otro partidos que no acostumbran a llegar al uno por ciento), no se llegó ni siquiera al 22% de los votos emitidos, cuando el PSOE superó el 25%.
No obstante, a diferencia de otras circunscripciones españolas, que solo han conocido el bipartidismo como paradigma, el caso de Teruel es bien diferente. Existe un precedente claro que permite importantes matizaciones: cuando Teruel Existe rompió el tablero, consiguiendo un deputado en 2019, con un 26,8% de los votos. Aunque esta opción no goza de gran salud hoy y todo apunta a que resulta muy difícil de repetir ese éxito de entonces, no hay ninguna duda de que cualquier cambio en Teruel debería contar con sus apoyos. Aunque tengan una perspectiva transversal, sus votos también beben de fuentes progresistas. O sea, que cualquier intento de conseguir romper el bipartidismo desde la izquierda tendría que tener en cuenta la presencia del partido que lidera Guitarte. Si además, estos ya rechazaron juntarse con los progresistas, parecía que la aventura de otra papeleta en los colegios electorales turolenses lo único que podría conseguir es dividir todavía más el voto y hacer añicos cualquier posibilidad de éxito para la izquierda o las opciones territoriales (como Teruel Existe). Visto así, parece que la opción de renunciar a presentarse ahí es mucho más lógica.
Se acostumbra decir que la política es el arte de lo posible, pero también es (o debiera ser) el arte de saber interpretar la realidad de forma adecuada. Lo contrario es mera ilusión.