eldiario.es

9

Berri Txarrak taldeak Adarra Saria irabazi du

Adarra Saria, 2014an jaio zen, euskal musikaren arloan garrantzi edo eragin bereziko ibilbidea egin duen edo egiten ari den artista bat urtero omentzeko

Ekainaren 21ean jasoko dute saria Lekunberrikoek, eta, egun berean, kontzertua eskainiko dute Victoria Eugenia antzokian

Berri Txarrak anuncian su separación

Berri Txarrak taldearen "ibilbide artistiko eta profesionala eta euskal nahiz nazioarteko publikoarengan duen eragin izugarria" ospatzeko, Donostiako Udalak Adarra Saria entregatuko dio. Ekainaren 21ean jasoko dute saria Lekunberrikoek, Eneko Goia alkatearen eskutik, Donostiako udaletxean, eta, egun berean, 20.00etan, kontzertua eskainiko dute Victoria Eugenia antzokian.

Donostiako Udalak adierazi duenez, Berri Txarrak taldearen emanaldiek "arrakasta handia izan dute herrialde askotan eta taldeak milaka jarraitzaileei eskaini dizkie kontzertuak bost kontinenteetako agertokietan". Horregaitik, Juan Gonzalez Andres kazetariak, Irene Larraza Etxepare Euskal Institutuko zuzendariak eta Jaione Askasibar Donostia Kultura erakundeko Komunikazio zuzendariak osatutako aholku batzordeak hartu du sari hau taldeari banatzeko erabakia.

Ekainaren 21ean ospatuko den kontzerturako sarrerak salgai egongo dira hurrengo asteartean 11:30etan. Sarreren prezioa 30 eurokoa da eta Victoria Eugenia antzokian, Antzoki Zaharrean eta Donostia Kultura webgunean eskuragai daude.

Adarra Saria, 2014an jaio zen, euskal musikaren arloan garrantzi edo eragin bereziko ibilbidea egin duen edo egiten ari den artista bat urtero omentzeko. Lehen edizioan, sari hori Mikel Laboaren sorkuntza lanari eta jeinuari eman zitzaion. Bigarrenean, Ruper Ordorikari, 2016an Benito Lertxundik eskuratu zuen, 2017an Fermin Muguruzak eta, iaz, Anarik.

Ikusi Arte Tour 2019 izango da Berri Txarrak taldearen azkenengo bira. Izan ere, orain dela hilabete batzuk adierazi zutenez, taldeak ‘etenaldi mugagabea’ egingo du, eta horrekin, “ziklo ahaztezin bat itxiko du”, bederatzi disko eta munduan zehar mila kontzertu baino gehiago jo ondoren. 

Muy Bien, has hecho Like

¿Qué tipo de error has visto?
¿La sugerencia que quieres realizar no está entre estas opciones? Puedes realizar otro tipo de consultas en eldiario.es responde.
Error ortográfico o gramatical Dato erróneo

¡Muchas gracias por tu ayuda!
El equipo de redacción de eldiario.es revisará el texto teniendo en cuenta tu reporte.

Comentar

Enviar comentario

Comentar

Comentarios

Ordenar por: Relevancia | Fecha