Euskara 12 hizkuntzetan
Euskararen Nazioarteko egunean, Legebiltzarra Babel txiki bat bihurtu da, euskaraz idatzitako lehen liburuaren edizio berri bat euskaraz eta munduko beste 11 hizkuntzatan errezitatu baita. Eusko Legebiltzarrak eta Euskaltzaindiak elkarrekin aurkeztu dute Bernard Etxepareren 'Linguae Vasconum Primitae' lana, txinera, arabiera, kitxuera, errumaniera, katalan eta galegozko bertsioekin, gure artean presentzia handiena duten hizkuntza-erkidegoetako hizkuntzei dagozkie, hain zuzen, itzulpenok.
Sei hizkuntzatan hauekin, 1545ean argitara eman zen poema-liburua, ezagutzen den euskarazko lehen argitalpen inprimatua, 12 hizkuntzatan irakurri ahal izango da. Izan ere, 2011ko abenduan, 'Linguae Vasconum Primitae' liburuaren beste edizio bat, gaztelaniaz, ingelesez, frantsesez, alemanez, eta italieraz ere eskaini zen. Ekitaldian, Etxepararen 'Kontrapas' poema 12 hizkuntzatan errezitatu da eta bukatzeko, Leteren eta Martikorenaren ahotsa enztun da, haiek testu horretaz egindako musika-egokitzapen ezaguna kantatzen.
